Latest Urdu Shayari - 1stsms - یہ خلق جب طلب جاہ میں پڑی ہوئی تھی

if you are searching for urdu shayari? clik here for get best urdu shayar, urdu poetry, hindi shayari, english shayari for mobile.

Best Urdu Shayari

یہ خلق جب طلب جاہ میں پڑی ہوئی تھی

تو میری ذات تری چاہ میں پڑی ہوئی تھی

تو اپنی بے خبری میں جہاں سے گزرا تھا

یہ میری عمر وہیں راہ میں پڑی ہوئی تھی

کہیں بھی دور تک اس کا کوئی نشان نہ تھا

وہ صرف میری طلب گاہ میں پڑی ہوئی تھی

میں لفظ ڈھونڈھتا رہتا تھا جس کے کہنے کو

وہ ساری بات مری آہ میں پڑی ہوئی تھی

میں خود کو لگ رہا تھا چودھویں کی شب جیسا

کہ میری جان بھی اک ماہ میں پڑی ہوئی تھی

Urdu Shayari

جو میری روح کی گہرائیوں میں اترا تھا

وہ ایک نرم ملائم ہوا کا جھونکا تھا

اس ایک لمس کے بارے میں کیا بتاؤں تمہیں

ٹھٹھرتی سردیوں کی تیز دھوپ جیسا تھا

میں اک زمین بنا گھومتا تھا جس کے سبب

وہ ایک گل تھا مرے چاند پر جو کھلتا تھا

وہ ایک باغ تھا جس میں تھیں دو حسیں جھیلیں

میں ان کو دیکھتے ہی ڈوب ڈوب جاتا تھا

اس ایک قصر کو اندر سے جھانکنے کی طلب

مری نظر نے بڑا سخت وقت کاٹا تھا

میں عمر بھر کے لیے خود کو بھول بیٹھا تھا

کوئی پکار نہیں تھی وہ ایک نشہ تھا

میں روشنی سے ملا تھا بس اتنا یاد رہا

پھر اس کے بعد سے چاروں طرف اندھیرا تھا

یہ اور بات کہ وہ میرا ہو نہیں پایا

خدا نے اس کو مرے واسطے ہی بھیجا تھا